Dalvík-Reynir fær 1.636.884 krónur frá KSÍ

KSÍ greiðir 200 milljónir króna til aðildarfélaga KSÍ vegna HM í Rússlandi. Fjármunum sem veitt er til aðildarfélaga skal eingöngu varið til knattspyrnutengdra verkefna félaganna. Dalvík/Reynir nýtur góðs af þessu og fær greiddar 1.636.884 kr. Önnur lið á Norðurlandi fá einnig greiðslur.  KF fær 1.636.884 kr., Tindastóll fær 3.682.990 kr., KA fær 6.319.847 kr., Þór fær 5.501.432 kr., Völsungur fær 3.273.769 kr.

Framlag til aðildarfélaga byggist fyrst og fremst á stöðu meistaraflokks karla og kvenna í deildum sl. 2 ár, 2017 og 2018, en við úthlutun eftir EM 2016 var miðað við árin 2014-2016. Félögum er skipt upp í tvo flokka. Annars vegar félög í deildarkeppni, sem eru með unglingastarf og hins vegar félög sem ekki standa fyrir barna- og unglingastarfi.