Dalvík/Reynir mætti botnliðinu í 2. deild karla

Dalvík/Reynir mætti Hvíta Riddaranum á Dalvíkurvelli í lokaumferð Íslandsmótsins í 2. deild karla. Hvíti Riddarinn var þegar fallinn í 3. deildina en liðin gerðu 3-3 jafntefli í fyrri umferðinni. D/R þurftu sigur til að enda í 4. sæti deildarinnar.

Hektor Bergmann Garðarsson braut ísinn á 31. mínútu með góðu marki og kom D/R yfir 1-0. Atli Þór Sindrason kom D/R í 2-0 á 40. mínútu og þannig var staðan í hálfleik.

Áki Sölvason sem kom inná í hálfleik byrjaði síðari hálfleiki af krafti og skoraði á 46. mínútu og kom D/R í 3-0.

Þjálfari D/R gerði tvöfalda skiptingu í hálfleik. Gestirnir minnkuðu muninn á 57. mínútu þegar Jordan Chase Tyler skoraði og var staðan orðin 3-1.

Áki Sölvason skoraði aftur á 65. mínútu og kom D/R í 4-1.

Fleiri mörk voru ekki skoruð og var þetta þriðji sigurleikur Dalvíkur/Reynis í röð í deildinni og endar liðið í 4. sæti með 31 stig.