Klassík í Bergi – síðustu tónleikar

Þá er komið að síðustu tónleikunum í tónleikaröðinni Klassík í Bergi, sem haldnir verða laugardaginn 16. febrúar klukkan 16:00 í Menningarhúsinu Bergi á Dalvík.

Jón Svavar Jósefsson barítón  og Guðrún Dalía Salómonsdóttir píanóleikari flytja ljóð og lög um veturinn en hugsa þó hlýtt til sumarsins.

Guðrún Dalía Salómonsdóttir stundaði píanónám við Tónlistarskólann í Reykjavík, Tónlistarháskólann í Stuttgart og hjá Thérèse Dussaut í París.

Jón Svavar Jósefsson er Akureyringur en á rætur að rekja til Dalvíkur. Jón útskrifaðist frá Tónlistarskóla Garðabæjar og hélt þaðan til Vínarborgar og lauk námi við óperudeild Universität für Musik und darstellende Kunst Wien.

Miðasala við innganginn.

Verð 3.500.- Frítt fyrir 18 ára og yngri.

 

Texti: Aðsend fréttatilkynning.