Miðaldadagar á Gásum um helgina

Miðaldadagar á Gásum verða haldnir dagana 20. og 21. júlí. Þá mun miðaldakaupstaðurinn rísa á hinum forna verslunarstað Gásum. Líf og fjör í miðaldakaupstaðnum Gásum við Eyjafjörð.
Knattleikur, bogfimi, grjótkast, bardagamenn, eldsmiðir, seiðkona, völva, bókfell, kaðlagerð, vattarsaumur, leirmunir, tréskurður, smjörgerð, brennisteinsfróðleikur, miðaldatónlist, súrdeigsbrauð frá Böggvisbrauð og svo margt margt fleira.

Dagskrá:
11:00 -17:00 Kaupmenn selja miðaldavarning og handverksfólk er við vinnu.
11:00 – 16:00 Getur þú skotið af boga? Bogfimi fyrir þá sem þora.
11:30 Gásverjar bregða á leik.
12:00 Leiðsögn um fornleifasvæðið.
12:30 Gásverjar bregða á leik.
13:00 Félagar úr sönghópnum Hymnodiu syngja lög frá miðöldum.
13:30 Sverðaglamur og sjónarspil – Rimmugýgur bregður sverðum.
14:00 Gula gullið – hvað er nú það? Fróðleikur um brennistein. Orri Vésteinsson fornleifafræðingur segir frá.
14:30 Miðaldakonan Jónína Björg syngur íslensk þjóðlög.
15:00 Bókfellsgerð úr kálfaskinni. Hinn tékkneski Jiri segir frá á ensku.
15:15 Vandræðaskáld: Þjóðlegur fróðleikur og skemmtun.
15:30 Sverðaglamur og sjónarspil – Rimmugýgur bregður sverðum.
16:00 Leiðsögn um fornleifasvæðið.
16:30 Lendir einhver í gapastokknum? Fúlegg til sölu.

Leiðsögn um fornleifasvæðið báða dagana kl. 12:00 og 16:00.
Gangan hefst við miðasölutjaldið. Leiðsögumaður: Sigrún B. Óladóttir.

Miðaverð:
1600 kr.- fyrir 15 ára og eldri
800 kr.- fyrir börn
Fjölskyldumiði 5000 kr.-
Sért þú minni en miðaldasverð færð þú frítt inn.
Aðgangsnistið gildir báða dagana. Miðaldadagar eru opnir frá kl. 11 – 17 báða dagana.
Gásir eru 11 km norður af Akureyri, beygt af þjóðvegi 1 við Hlíðarbæ.