On-hlaða komin til Dalvíkur

Orka náttúrunnar hefur komið upp hleðslustöð á Dalvík í samstarfi við N1 og stendur hún við sjálfsafgreiðslu fyrirtækisins og aðstöðu hvalaskoðunarfyrirtækisins Arctic Sea Tours við Hafnarbraut.
Með þessu þéttist enn það net af hlöðum sem ON hefur komið upp á Norðurlandi. Fyrir eru hlöður við Staðarskála, á Blönduósi, í Varmahlíð, á Sauðárkróki, á Akureyri, á Húsavík og við Mývatn.

Upplýsingar um allar hlöður ON er að finna í smáforritinu ON Hleðsla. Það er fáanlegt fyrir hvort tveggja Android síma og iPhone. Auk þess að sýna hvar hlöður er að finna sýnir appið leiðina að þeim, hvers lags hleðslubúnaður er í hverri hlöðu og hvort þær eru uppteknar.

Í hlöðunni við Hafnarbraut á Dalvík, sem tekin var í notkun sl. föstudag, eru tengi af gerðunum Type 1 og Type 2.
Það þýðir að búnaður er ekki til hraðhleðslu og ekki verður innheimt fyrir notkun á hlöðunni fyrst um sinn.

Frá þessu er greint á vef Orku Náttúrunnar.