Þrír sigrar í röð hjá Dalvík/Reyni í 2. deild karla

Dalvík/Reynir og Haukar mættust í dag á Dalvíkurvelli í 8. umferð Íslandsmótsins. Haukar voru í toppsætinu fyrir leikinn eftir góða byrjun, voru 5 sigra, eitt jafntefli og eitt tap. D/R var hinsvegar búið að vinna síðustu tvo deildarleiki og voru til alls líklegir á heimavelli. Liðin mættust í deildinni í fyrra og var jafntefli í báðum leikjum.

D/R byrjaði leikinn vel og komust yfir strax á 11. mínútu með marki frá Aires Rodrigo Da Encarnacao Sousa. Heimamenn leiddu 1-0 í hálfleik.

Í byrjun síðari hálfleiks gerðu Haukarnir sjálfsmark og var staðan orðin 2-0. Haukarnir fóru í þrefalda skiptingu á 58. mínútu til að reyna breyta gang leiksins. Á 63. mínútu fékk leikmaður Hauka beint rautt spjald og léku þeir manni færri út leiktímann.

Þjálfari D/R gerði tvöfalda skiptingu á 65. mínútu og aftur á 75. mínútu.

Sindri Sigurðarson gerði þriðja mark D/R á 82. mínútu og innsiglaði frábæran 3-0 sigur á Haukum. Hans fyrsta mark í deildinni í sumar.

D/R skaust tímabundið upp í 2. sæti deildarinnar en umferðinni er ekki lokið. Liðið hefur nú 13 stig.