Dalvík/Reynir heimsótti Vestra í 2. deild kvenna

Úrslitakeppni í 2. deild kvenna er hafin og var Dalvík/Reynir í 7. sæti deildarinnar eftir fyrstu 11. umferðirnar og leikur því í B úrslitum. Fyrsti leikurinn var nú um helgina gegn Vestra á útivelli. Önnur lið eru Álftanes og Sindri og lýkur úrslitakeppninni í september. Þetta eru því tölverð ferðalög fyrir liðin þegar þau mætast.

Vestri var í 6. sæti deildarinnar með tveimur stigum meira en D/R og var því von á jöfnum leik.

Vestri byrjaði leikinn vel og voru búnir að skora á 5. mínútu leiksins, staðan 1-0. Vestri skoraði aftur á 45. mínútu og var staðan því 2-0 í hálfleik.

Dalvík/Reynir fékk víti á 58. mínútu og skoraði Hafrún Mist Guðmundsdóttir og var því staðan orðin 2-1.

Vestri fékk einnig víti á 65. mínútu og var staðan orðin 3-1. Bæði lið gerðu nokkrar skiptingar eftir þetta mark.

Á 80. mínútu komst Vestri í 4-1 en vare markið skráð sjálfsmark. Fimmta markið kom svo skömmu fyrir leikslok og urðu lokatölur því 5-1 fyrir heimaliðið.

Nokkuð stór úrslit miðað við gengi liðanna í sumar, en D/R leikur næst við Sindra á útivelli 17. ágúst.