Dalvík/Reynir hóf leik í 2. deild kvenna

Dalvík/Reynir og Fylkir mættust í 1. umferð Íslandsmótsins í 2. deild kvenna í knattspyrnu í dag. 10 nýir leikmenn hafa komið til D/R liðsins í apríl og maí, flestar frá Þór og ein frá KA.

Gestirnir komust yfir með marki á 19. mínútu, en D/R stelpurnar voru fljótar að svara og jöfnuðu leikinn á 24. mínútu. Markið gerði Dagmar Huld Pálsdóttir. Dagmar er fædd árið 2009 og var þetta hennar fyrsti deildarleikur fyrir félagið,en hún hefur spilað upp yngri flokkana hjá Þór.

Fylkir skoraði aftur á 36. mínútu og komust í 1-2 og þannig var staðan í hálfleik.

D/R gerði eina skiptingu í hálfleik og kom Kristín Emma Hlynsdóttir inná fyrir Marsibil Stefánsdóttur.

Fylkir gerði sitt þriðja mark á 61. mínútu. Þjálfari D/R gerði svo tvöfalda skiptingu á 74. mínútu þegar María Sól Helgadóttir og Anna Lovísa Arnarsdóttir komu inná fyrir Rakel Stefánsdóttur og Diljá Blöndal Sigurðardóttur. Tvær skiptingar voru gerðar á síðustu 10 mínútum leiksins hjá D/R en Linda Rós Jónsdóttir og Heiðbjört Ómarsdóttir komu inná fyrir Auðbjörgu Hasler og Rósu Guðmundsdóttur.

Gestirnir skoruðu svo tvö mörk á síðustu fimm mínútum leiksins og unnu nokkuð öruggan 1-5 sigur á Dalvíkurvelli.