Íþróttaskóli barnanna á Dalvík 25 ára

Íþróttaskóli barnanna í Dalvíkurbyggð hófst í dag, en skólinn er 25 ára á þessu ári. Um er að ræða 10 tíma námskeið á haustönn ætlað börnum 2-5 ára (fædd 2013-2016) . Námskeiðið verður á laugardögum í íþróttamiðstöðinni frá kl. 10:00-11:00.  Kennarar eru Harpa Rut Heimisdóttir, íþróttafræðingur, M.S. og Valdís Guðbrandsdóttir iðjuþjálfi. Enn er tekið er við skráningum gegnum skilaboð á facebook eða í smáskilaboðum í síma 866-3464 (Harpa) eða 861-3977 (Valdís).

Markmið íþróttaskólans er: 

• að efla hreyfiþroska og hreyfigetu barnanna
• að auka úthald, sjálfstraust og vellíðan barnanna
• að losa um streitu og umfram orku
• að börnin læri á líkama sinn
• að efla samhæfingu
• að vernda heilsu barnanna
• að börnin læri ýmis stöðuhugtök, átti sig á rými, fjarlægðum og áttum
• að börnin læri að fara eftir reglum
• að hvetja börnin til áframhaldandi íþróttaiðkunar