Nýr hjólabrettavöllur tekinn í notkun á Dalvík

Nýr hlaupahjóla- og hjólabrettavöllur hefur verið tekinn formlega í notkun á Dalvík.  Völlurinn er staðsettur milli Víkurrastar og Dalvíkurskóla.  Eiríkur Helgason hannaði og smíðaði völlinn, en hann er eigandi af Braggaparkinu á Akureyri og einn fremsti hjólabrettamaður landsins. Völlurinn er virkilega vel heppnaður og fyrsta flokks. Svæðið er mikið notað á skólatíma og eftir að skóla lýkur.

Hópur af hjólabretta- og hlaupahjólafólki kom saman við þetta tilefni til að leika lystir sínar og voru sumir að stíga sín fyrstu skref.